I ha dänkt i eröffne do emol das Forum :party:

Interessiert sich do inne vilicht au öper für d Formel 1?

Am Sunntig vot dä ganz Zirkus jo wieder a und i bi doch e chli gspanne wie sich
das die Saison wird entwickle.

I hoff dasses e bitz spannender wird als letscht Johr wo praktisch numme dr
Finkebaschtler gwunne het. Und glichzitig frogi mi ob ächt d Sauber au nur
wieder eso im Mittelfeld ummegurke oder obsi dass Johr emol öpis Rächts
zschtand bringe.

Oder findet Dir alli das numme Formle Gähn? :sleep::sleep::sleep:

Euri Meinigä sind gfrogt.

:prost2:

also i lueg keini F1 Renne, hoff aber immer das Sauber top isch und dr SChumi verliert!

i han schnell e frog...

sauber bechunt doch immer de motor vo ferrari vom vorjohr, händ sie jetzt de motor mit dem ferrari letschtjohr allne devo gfahre isch oder händs dä nid becho?!?! input, gebt mir input... :)

zu dinere eigentliche frog, i lueg nid alli renne, säge mir mol so d'hälfti... für d'resultat interessier i mi aber scho, vor allem sauber und villneuve (isch halt en kanadier) uf jedefall hoff i, das sauber diesjohr endlich s' 1. renne günnt...!

zu dinere frog,
sovil ich informiert bin händ si glaub die vorletschti usbaustuefe vom vorjährige
Motor dinne. Das heisst ganz klar, es isch e Version vum Motor mit däm d
Ferrätere allne andere um d Ohre gfahre sind.
I dänk nit dass Sauber die Saison e Renne gwinnt. Has Gfuehl die andere
Topteams sind dodrfür eifach zstark. I wär scho zfriede wennsi regelmässig
würde Pünggt ifahre und zwischdure e Podeschtplatz erreiche.

I lueg die meischte Renne wenni cha. Chunnt halt echli druf a wie d Meisterschaft
lauft. Und denn hani halt ame ande Sunntignomitäg no bitz bessers zdue als
vorem TV zhogge :p

aah no öpis

worum usgrächnet dr Villeneuve? Willer e Kanadier isch, het das e bsunderi
Bedütig?

i lieb eifach das land... bin es paar mol dört in de ferie gsi und finds eifach nur geil!!! es het alles wunderschöni städt zb. ottawa, vancouver, toronto und wunder schöni natur etc.

und deshalb sympathiesier i eigentlich mit allem wo mit kanada ztue het...

Ach soo...

Hmmm für noch Kanada hets mr nonig glängt :(

*Nidischbi*

Eimol inde Staate gsi z Florida. Isch au absolut super gsi... Aber au scho wieder
zäh Jöhrli här.

Naja...:notsure:

jo also i bin 1996 s'letscht mol gsi, muess unbedingt wieder mol go!!

in de staate bin i defür no nie gsi...

Mir gots glich ich sympatisier eifach alles wo mit australie z'due het. bin det au scho es paar mol gsi und es isch eifach de hammer.

Amerika bini au scho gsi, in florida aber das het mir nid so gfalle

australie will i au no bsueche, muess ganz geil si...

chli go reise und so...

jo australie isch empfehlenswert. ich bin scho 3 mol gsi det, und irgendwenn blibi glaub emol det und gründ so e chlini familie :cool:

Ah höret doch uf, i will au widr emol so richtig ind Ferie gopf!

S isch e Katastrophe, immer numme chrüple und wennde denn emol Ferie hetisch,
muesch no and Fasnacht go spile und suffe! ;)

Sone seich aber au.

haha dr Schumi het nit gwunne!

nit emol e podeschtplatz